रुसका लागि जासुसी गरेको आरोपमा जर्मनीमा युक्रेनी नागरिक पक्राउ

रुसी गुप्तचर निकायका लागि जासुसी गरेको आरोपमा जर्मनीमा एक युक्रेनी नागरिक पक्राउ परेका छन्। जर्मनीका सङ्घीय अभियोजकका अनुसार 'भादिम वाई' नामका ती व्यक्तिमाथि सैन्य दृष्टिकोणले महत्त्वपूर्ण सूचना सङ्कलन गरेको आरोप छ। उनले बख्तरबन्द सवारीसाधन, गोलाबारुद तथा विस्फोटक पदार्थको उत्पादनसम्बन्धी विवरण र नेटोको पूर्वी मोर्चामा रहेका सैन्य संरचना तथा जनशक्तिबारे जानकारी सङ्कलन गरेको अभियोजकहरूले बताएका छन्। आन्तरिक गुप्तचर निकाय बीएफभीबाट प्राप्त सूचनाका आधारमा सङ्घीय आपराधिक प्रहरीले उनलाई पक्राउ गरेको हो।