अनुकूलन कोषले नेपालका लागि तीन जलवायु अनुकूलन परियोजना स्वीकृत गर्‍यो

अनुकूलन कोष (एडाप्टेसन फन्ड) ले आफ्नो ४७औँ बोर्ड बैठकमा नेपालका लागि तीन जलवायु अनुकूलन परियोजना प्रस्ताव स्वीकृत गरेको छ। ती परियोजनाहरू जोखिममा रहेका समुदायलाई सबल बनाउने, प्रकृतिमा आधारित समाधानमार्फत पारिस्थितिक प्रणालीको संरक्षण गर्ने र बाढी तथा पहिरोका लागि पूर्वसूचना प्रणाली सुधार गर्ने लक्ष्यमा केन्द्रित छन्। अनुकूलन कोष बोर्डमा नेपालका प्रतिनिधि नरेश शर्माले उक्त बैठकमा सहभागिता जनाएका थिए।