निर्वाचित सरकारलाई पूरा कार्यकाल काम गर्न दिनुपर्ने भट्टराईको भनाइ

पूर्वप्रधानमन्त्री डा. बाबुराम भट्टराईले प्रमुख राष्ट्रिय चाडपर्व सकिएलगत्तै सरकार परिवर्तन वा ढाल्ने चर्चा चल्नु विडम्बनापूर्ण र चिन्ताजनक भएको बताएका छन् । मंगलबार सामाजिक सञ्जाल फेसबुकमार्फत धारणा सार्वजनिक गर्दै उनले आन्दोलनको चर्चाले राजनीतिक अस्थिरताको जोखिम बढाउने चेतावनी दिए । उन्नत बहुदलीय लोकतन्त्रमा सत्ताधारी र प्रतिपक्षी दलबीच प्रतिस्पर्धा हुनु स्वाभाविक भए पनि निर्वाचित सरकारलाई पूरा कार्यकाल काम गर्न दिनुपर्ने उनको भनाइ छ ।

पूर्वप्रधानमन्त्री तथा नेपाल समाजवादी पार्टीका अध्यक्ष डा. बाबुराम भट्टराईले निर्वाचित सरकारलाई संविधानको परिधिभित्र रहेर पूरा कार्यकाल काम गर्न दिनुपर्ने बताएका छन्। मंगलबार सामाजिक सञ्जाल फेसबुकमार्फत धारणा सार्वजनिक गर्दै उनले प्रमुख राष्ट्रिय चाडपर्व सकिएलगत्तै आन्दोलन र सरकार परिवर्तन वा ढाल्ने चर्चा सुरु हुनु विडम्बनापूर्ण र चिन्ताजनक भएको बताए। निर्वाचन सम्पन्न भएको केही दिनदेखि नै यस्तो चर्चा चल्नुले राजनीतिक अस्थिरताको जोखिम बढाउने उनको भनाइ छ।