बाँकेमा कालानमक धानको संरक्षण र व्यावसायिक खेती सुरु

बाँके जिल्लामा परम्परागत सुगन्धित कालानमक धानको जात हराउँदै गएपछि किसानहरूले यसको संरक्षण र व्यावसायिक खेती सुरु गरेका छन्। जानकी गाउँपालिका–३ की दीपाकुमारी काँदु गुप्ताले सुरुमा दुई कट्ठामा लगाएको कालानमक धान अहिले १० कट्ठा जमिनमा विस्तार गरेकी छन् र सो धान महँगो मूल्यमा बिक्री गर्दै आएकी छन्। कालानमक धानबाट राम्रो आम्दानी हुन थालेपछि जिल्लाका कतिपय स्थानमा यसको खेती विस्तार हुँदै गएको छ।