दशैँपछि गुल्मी जिल्ला प्रशासन कार्यालयमा सेवाग्राहीको भीड

बडादशैँको बिदा सकिएलगत्तै गुल्मी जिल्ला प्रशासन कार्यालयमा सेवाग्राहीको चाप बढेको छ। दशैँ मनाउन स्थायी घर गएका नागरिकले नागरिकता, राहदानी र राष्ट्रिय परिचयपत्रलगायत सेवा लिन कार्यालय पुगेका कारण भीड लागेको हो। सेवाग्राहीको चाप बढेपछि कार्यालयले जिल्ला निर्वाचन कार्यालयबाट थप कर्मचारी झिकाएर सेवा प्रवाह गरिरहेको प्रमुख जिल्ला अधिकारी मोतीराम सापकोटाले जानकारी दिए। कार्यालयका अनुसार मङ्गलबार मात्रै १७० जनाले सेवा लिएका छन्।