सिक्किमकी १४ वर्षीया प्रिस्का अधिकारीले जितिन् जुनियर द पोएट आइडलको उपाधि

भारतको सिक्किमस्थित गान्तोककी १४ वर्षीया प्रिस्का अधिकारीले कविता रियालिटी शो ‘द पोएट आइडल’को बाल संस्करण ‘जुनियर द पोएट आइडल’को उपाधि जितेकी छन्। आफ्ना गहन भावना, व्यक्तिगत अनुभव र मौलिक सोचलाई उत्कृष्ट कवितामार्फत प्रस्तुत गर्दै उनले उपाधि चुमेकी हुन्। प्रतियोगिताभरि कविताप्रतिको समर्पण, निरन्तर मेहनत र सशक्त मञ्च प्रस्तुतिले उनलाई निर्णायक तथा दर्शक दुवैको मन जित्न मद्दत गरेको आयोजकले जनाएको छ। अन्तिम प्रतिस्पर्धामा उनले आफ्ना प्रतिस्पर्धीहरूलाई पछि पार्दै उपाधि हात पारेकी हुन्।