सभामुख अर्याल र मन्त्री चौधरीबीच कोप–३१ सहभागिताबारे छलफल

सभामुख डीपी अर्याल र कृषि, वन तथा पर्यावरणमन्त्री गीता चौधरीबीच संयुक्त राष्ट्रसंघीय जलवायु सम्मेलन कोप–३१ मा नेपालको प्रभावकारी सहभागिताबारे छलफल भएको छ। नोभेम्बर ९ देखि २० सम्म टर्कीको अन्तल्यामा हुने कोप–३१ को तयारी, जलवायु वित्त परिचालन, नेपालको जलवायु एजेन्डा र संसदीय सहभागिताबारे कुराकानी भएको हो। मन्त्री चौधरीले कोप–३१ का लागि नेपालको पोजिसन पेपर तयार भइसकेको बताइन्। सिंहदरबारमा बसेको हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशुली विपद्सम्बन्धी संसदीय विशेष समितिको बैठकमा पनि यसबारे छलफल भएको छ। भोटेकोशी बाढीका लागि हानि तथा नोक्सानी कोषबाट २० मिलियन अमेरिकी डलर सहयोग प्राप्त हुने भएको छ।