सांसदका संशोधन प्रस्ताव अस्वीकृत हुनु चिन्ताजनक : महेश बर्तौला

नेकपा एमालेका केन्द्रीय सदस्य तथा संसदीय दलका पूर्वप्रमुख सचेतक महेशकुमार बर्तौलाले सांसदहरूले विधेयकमाथि दर्ता गरेका संशोधन प्रस्ताव सभामुखबाट स्वविवेकका आधारमा अस्वीकृत हुनु चिन्ताजनक भएको बताएका छन्। सामाजिक सञ्जालमार्फत उनले कानुन निर्माणमा सांसदहरूको भूमिका कमजोर पार्न नहुने र सरकारले प्रस्तुत गरेका विधेयकलाई परिमार्जन तथा सुधार गर्ने अधिकार संसद्ले सुरक्षित राख्नुपर्नेमा जोड दिएका छन्। सरकारले अध्यादेशमार्फत सांसदहरूको नियमित विधायिकी भूमिकालाई निष्क्रिय पार्ने तथा सभामुखले संशोधन प्रस्ताव नै अस्वीकृत गर्ने प्रवृत्तिमाथि पनि उनले प्रश्न उठाएका छन्।