क्रिकेटर इशान पाण्डे लन्डन इयर केयरको ब्रान्ड एम्बेसडर नियुक्त

नेपाली क्रिकेटर इशान पाण्डे लन्डनस्थित स्वास्थ्य सेवा प्रदायक संस्था लन्डन इयर केयरको ब्रान्ड एम्बेसडरमा नियुक्त भएका छन्। बिहीबार काठमाडौंमा आयोजित कार्यक्रममा पाण्डे र संस्थाका निर्देशक राजन खकुरेलबीच सम्झौतापत्रमा हस्ताक्षर भएको हो। कार्यक्रममा नेपाल क्रिकेट संघ (क्यान)का अध्यक्ष चतुरबहादुर चन्द पनि उपस्थित थिए। उनले यस किसिमको सम्झौताले नेपाली खेलाडीलाई आर्थिक रूपमा बलियो बनाउन सहयोग पुग्ने बताए।