मन्त्री मेहताले छ स्वास्थ्य विज्ञान प्रतिष्ठानसँग कार्यसम्पादन सम्झौता गरिन्

स्वास्थ्य तथा खाद्य स्वच्छतामन्त्री निशा मेहताले बिहीबार काठमाडौंमा छ वटा स्वास्थ्य विज्ञान प्रतिष्ठानका उपकुलपतिसँग आर्थिक वर्ष २०८३/८४ का लागि कार्यसम्पादन सम्झौता गरेकी छन्। सम्झौताले अस्पतालको सरसफाइ, शय्या उपलब्धता र बिरामीको प्रतीक्षा समय घटाउने विषयमा उपकुलपति तथा सङ्घीय अस्पतालका प्रमुखलाई जिम्मेवार बनाएको छ। मन्त्री मेहताले बिरामीले सहज, गुणस्तरीय र सम्मानजनक स्वास्थ्य सेवा पाउने वातावरण सुनिश्चित गर्नुपर्ने बताइन्।