निर्माणाधीन दमक–चिसापानी सडकको नयाँ ठेक्का स्वीकृत

सरकारले निर्माणाधीन दमक–चिसापानी सडकको माङ्सेबुङ–लारुम्बा–चिसापानी खण्डको पुरानो ठेक्का अन्त्य गरी नयाँ ठेक्का स्वीकृत गरेको छ। झापाको दमकदेखि इलामको माङ्सेबुङ हुँदै पाँचथरको रबिसम्म जोड्ने सडकको २५.५ किलोमिटर खण्ड तीन वर्षभित्र कालोपत्र गर्ने लक्ष्य राखिएको छ। पुरानो निर्माण व्यवसायीले निर्माण कार्य अघि नबढाएपछि खण्डको ठेक्काको सूचना प्रकाशित गरिएको हो।