पतञ्जली जग्गा प्रकरण : माधवकुमार नेपाललाई तारेखमा कानुन व्यवसायी राख्न विशेष अदालतको अनुमति

पतञ्जली योग पीठको जग्गा हिनामिना सम्बन्धी भ्रष्टाचार मुद्दामा विशेष अदालतले पूर्वप्रधानमन्त्री माधवकुमार नेपाललाई तारेखमा कानुन व्यवसायी मुकरर गर्ने अनुमति दिएको छ। आफू उपस्थित हुन नसक्ने भन्दै नेपालले दिएको निवेदन अदालतले स्वीकार गरेपछि कात्तिक १९ गतेका लागि तय भएको अन्तिम आदेशको सुनुवाइ सरेको छ। विशेष अदालतका अध्यक्ष बासुदेव आचार्य तथा सदस्यहरू डिल्लीरत्न श्रेष्ठ र उमेशको इजलासले यो आदेश दिएको हो।