म्याग्दीमा पहिरोपछि बेनी-दरवाङ सडक पुनः सञ्चालनमा

शुक्रबार अपराह्नदेखि परेको अविरल वर्षासँगै पहिरो खसेपछि म्याग्दीमा बेनी–जोमसोम र बेनी–दरवाङ सडक आज बिहानदेखि अवरुद्ध भएका छन् । जिल्ला प्रशासन कार्यालयका अनुसार बेनी नगरपालिका र मङ्गला गाउँपालिकाको सिमाना फापरखेत तथा सिरुवारी, खामभित्तालगायत स्थानमा खसेको पहिरोले उक्त सडक अवरुद्ध भएको हो । झरी नरोकिएकाले अवरुद्ध सडक खुलाउन सडक विभाग र पूर्वाधार विकास कार्यालयलाई कठिनाइ भएको छ ।

म्याग्दीको पश्चिमी भेगका तीन स्थानीय तहलाई जिल्ला सदरमुकाम बेनी बजारसँग जोड्ने बेनी-दरवाङ सडक एक दिनपछि आइतबार दिउँसोदेखि सञ्चालनमा आएको छ। बेनी नगरपालिका-४ र मङ्गला गाउँपालिका-२ को सिमानामा रहेको फापरखेतमा शुक्रबार राति पहिरो खसेको थियो। अविरल वर्षासँगै खसेको सोही पहिरोका कारण बेनी-जोमसोम सडक तथा सिरुवारी र खामभित्तालगायत स्थानमा समेत सडक अवरुद्ध भएको थियो।