कपिलवस्तुमा प्रहरीले हवाई फायर गरी दुई लागुऔषध कारोबारी पक्राउ

कपिलवस्तुको वाणगंगा नगरपालिका–३ राजापानीमा लागुऔषध कारोबारको सूचनाका आधारमा खटिएको प्रहरी टोलीले दुई जनालाई पक्राउ गरेको छ । पक्राउ पर्नेमा वाणगंगा नगरपालिका–११ का ३४ वर्षीय सलाउदिन मुसलमान र वाणगंगा नगरपालिका–१२ का २८ वर्षीय उमेश थारू छन् । भैरहवास्थित लागुऔषध नियन्त्रण ब्यूरो शाखा कार्यालयबाट खटिएको टोलीले आइतबार उनीहरूलाई नियन्त्रणमा लिने क्रममा प्रतिकार गर्न खोजेपछि प्रहरीले दुई राउन्ड हवाई फायर गरेको थियो । प्रहरीले उनीहरूबाट ब्राउन सुगरसमेत बरामद गरेको छ ।

कपिलवस्तुको वाणगङ्गा नगरपालिका–३ राजापानीमा प्रहरीले दुई राउन्ड हवाई फायर गरी दुई लागुऔषध कारोबारीलाई पक्राउ गरेको छ। पक्राउ पर्नेमा वाणगङ्गा नगरपालिका–११ का ३४ वर्षीय सलाउदिन मुसलमान र वाणगङ्गा नगरपालिका–१२ का २८ वर्षीय उमेश थारू छन्। लागुऔषध कारोबार भइरहेको सूचनाका आधारमा भैरहवास्थित लागुऔषध नियन्त्रण ब्यूरोबाट खटिएको प्रहरी टोलीले आइतबार राधाकृष्ण नास्ता पसलमा छापा मारेको थियो। उनीहरूबाट २८ ग्राम ब्राउन सुगर बरामद भएको छ।