कैलालीमा वन पैदावारमाथिको चार महिने प्रतिबन्ध हटाउन व्यवसायीको माग

पर्यावरण संरक्षण तथा वन पैदावार व्यवसायी सङ्घ कैलालीले सोमबार धनगढीमा पत्रकार सम्मेलन गरी कैलालीमा झण्डै चारदेखि पाँच महिनादेखि रोकिएको वन पैदावारको सङ्कलन, बिक्रीवितरण तथा ओसारपसार तत्काल खुलाउन माग गरेको छ। काठ तथा दाउरामा लगाइएको प्रतिबन्ध कायम रहँदा वन व्यवसायमा आश्रित परिवार, उद्योगी, श्रमिक तथा उपभोक्ता प्रभावित भएको सङ्घले जनाएको छ। सङ्घले यसअघि पटकपटक व्यवसाय सञ्चालनको अनुमति मागेको भन्दै प्रदेश सरकारसँग प्रतिबन्ध तत्काल हटाउन आग्रह गरेको छ।