न्यायालयको पुनःसंरचना आवश्यक रहेको राप्रपाकी ओलीको भनाइ

राष्ट्रिय प्रजातन्त्र पार्टी (राप्रपा)की प्रमुख सचेतक खुश्बु ओलीले एक–दुई जनामाथि महाभियोग लगाउँदैमा न्यायालयको सुधार नहुने र न्यायालयमा देखिएका विकृति तथा विसङ्गति अन्त्य गर्न पुनःसंरचना आवश्यक रहेको बताएकी छन्। सोमबार नेपाली कांग्रेसको आह्वानमा सिंहदरबारमा बसेको प्रतिपक्षी दलहरूको बैठकपछि सञ्चारकर्मीसँग कुरा गर्दै उनले यस्तो बताएकी हुन्। उनले सर्वोच्चका न्यायाधीश तथा प्रधानन्यायाधीशको समेत नाम जोडेर सार्वजनिक भएका घटनाहरूको पनि उल्लेख गरेकी छन्।