बुटवलमा एमाले महासचिव पोखरेलद्वारा सरकारको कार्यशैलीको आलोचना

नेकपा एमालेका महासचिव शंकर पोखरेलले प्रधानमन्त्री वालेन्द्र शाहको नेतृत्वमा रहेको सरकारको कार्यशैलीको आलोचना गर्दै यसका गतिविधिले लोकतान्त्रिक मूल्यमान्यता, संविधान र राज्यका संवैधानिक अङ्गहरूलाई कमजोर बनाएको बताएका छन्। प्रेस चौतारी नेपाल, रुपन्देहीले सोमबार बुटवलमा आयोजना गरेको पत्रकार भेटघाट कार्यक्रममा बोल्दै उनले देशको शासन कसले चलाइरहेको छ भन्ने प्रश्न उठाएका छन्। प्रधानमन्त्री कुनै राजनीतिक दल, संसद् र नागरिकप्रति जवाफदेही नदेखिएको उनको टिप्पणी छ। उनले राज्यको जिम्मेवारीलाई भाँडाकुटी खेल झैँ बनाइएको आरोप लगाएका छन्।