छ मिटरभन्दा कम चौडाइका सडकमा प्रदेशले बजेट नदिने

बागमती प्रदेशका मुख्यमन्त्री किरण थापा मगरले आगामी आर्थिक वर्षदेखि छ मिटरभन्दा कम चौडाइका सडकमा प्रदेश सरकारले बजेट विनियोजन नगर्ने बताएका छन्। सोही व्यवस्था गर्न मापदण्ड बनाउन लागिएको उनले जानकारी दिए। जिल्ला समन्वय समिति मकवानपुरद्वारा हेटौँडामा आयोजित कार्यक्रममा उनले यो घोषणा गरेका हुन्।

बागमती प्रदेशका मुख्यमन्त्री किरण थापा मगरले आगामी आर्थिक वर्षदेखि छ मिटरभन्दा कम चौडाइका सडकमा प्रदेश सरकारले बजेट विनियोजन नगर्ने गरी मापदण्ड बनाउन लागिएको बताएका छन्। जिल्ला समन्वय समिति मकवानपुरद्वारा हेटौँडामा आयोजित आर्थिक वर्ष २०८२–८३ को वार्षिक समीक्षा कार्यक्रमको उद्घाटन गर्दै उनले यस्तो जानकारी दिए। उनका अनुसार नयाँ सडक खोल्ने जिम्मेवारी स्थानीय तहलाई दिइनेछ र मापदण्डअनुसार निर्माण भएका सडकलाई मात्र प्राथमिकता दिइनेछ।