नेपाल पुनर्बीमा कम्पनीमा थप लगानी गर्न मन्त्रिपरिषद्को स्वीकृति

मंगलबार बसेको मन्त्रिपरिषद् बैठकले नेपाल पुनर्बीमा कम्पनी लिमिटेडमा नेपाल सरकारको थप हकप्रद सेयर लगानी गर्न सहमति प्रदान गरेको छ। यस निर्णयसँगै अर्थ मन्त्रालयलाई लगानी गर्न सहमति दिइएको छ र यसअघि रोकिएको हकप्रद सेयर निष्कासनको प्रक्रिया अघि बढ्ने भएको छ। कम्पनीको चुक्ता पुँजी अहिले १३ अर्ब ४२ करोड रुपैयाँ छ र २० अर्ब रुपैयाँ पुँजी कायम गर्न बाँकी रकम हकप्रद सेयरबाट जुटाउने निर्णय भएको छ। सोही बैठकले दुई अध्यादेश राष्ट्रपति समक्ष सिफारिस गर्ने निर्णय पनि गरेको सरकारका प्रवक्ता पोखरेलले जानकारी दिएका छन्।