कांग्रेसको वैधानिकता प्रमाणित गर्न सत्ताको कृपापात्र आवश्यक छैन : देवराज चालिसे

नेपाली कांग्रेसका नेता देवराज चालिसेले पार्टीको वैधानिकता प्रमाणित गर्न सत्ताद्वारा खडा गरिएको कुनै कृपापात्र, प्यादा वा शिखण्डीको आवश्यक नपर्ने बताएका छन्। कांग्रेसका प्रत्येक साङ्गठनिक गतिविधि पार्टीको विधानबाट निर्देशित हुने र सो विधान देशको संविधान तथा प्रचलित कानूनको अधीनमा रहेर कार्यान्वयन र नियमन हुने उनको भनाइ छ। पार्टीको वैधानिकता र आन्तरिक निर्णय प्रक्रियामाथि प्रश्न उठाउने प्रयासप्रति उनले आपत्ति जनाएका छन्। कांग्रेस आफैँ आन्तरिक समस्या समाधान गर्न सक्षम रहेको भन्दै उनले लोकतन्त्रविरोधीहरूले हर्षबढाइँ गर्नु नपर्ने बताए।