इरानले ट्रम्पलाई मार्ने धम्कीसहित तेहरानमा होर्डिङ बोर्ड सार्वजनिक गर्‍यो

इरानले मंगलबार राजधानी तेहरानका विभिन्न स्थानमा अमेरिकी राष्ट्रपति डोनाल्ड ट्रम्पलाई मार्ने धम्कीसहितका विशाल होर्डिङ बोर्ड र ब्यानर सार्वजनिक गरेको छ। तेहरानको व्यस्त एन्गेलाब स्क्वायरमा राखिएको एउटा विशाल होर्डिङ बोर्डमा ‘हामी ट्रम्पलाई मार्नेछौँ’ भन्ने सन्देश लेखिएको छ। उक्त होर्डिङमा ट्रम्पलाई जेलभित्र टाउको निहुराएर बसेको अवस्थामा चित्रण गरिएको छ। यसले राजधानी तेहरानमा देखिँदै आएको सरकार समर्थित राजनीतिक प्रचारलाई थप आक्रामक बनाएको छ।