श्रममन्त्री रामजी यादव र आइएलओ कन्ट्री डाइरेक्टर नुमान ओज्जानबिच भेटवार्ता

युवा, श्रम तथा रोजगारमन्त्री रामजी यादवसँग अन्तर्राष्ट्रिय श्रम सङ्गठन (आइएलओ) का कन्ट्री डाइरेक्टर नुमान ओज्जानले मंगलबार काठमाडौँस्थित मन्त्रालयमा भेटवार्ता गरेका छन्। भेटमा नेपालका ७५३ वटै स्थानीय तहमा रहेका सीप, रोजगार तथा उद्यमशीलता केन्द्रहरूको सुदृढीकरण र मर्यादित श्रमसम्बन्धी विषयमा कुराकानी भएको छ। दुई पक्षबिच श्रम तथा रोजगारसम्बन्धी सहकार्यबारे पनि छलफल भएको छ।