डोल्पाबाट प्रसूति समस्यामा परेकी महिलाको नेपाली सेनाको हेलिकप्टरबाट उद्धार

डोल्पाको छार्काताङसोङ गाउँपालिका कागकोटकी २६ वर्षीया जुनु बुढालाई गम्भीर प्रसूति समस्या देखिएपछि नेपाली सेनाको हेलिकप्टरमार्फत उद्धार गरिएको छ। सुत्केरी व्यथाले च्यापेपछि सोमबार उनलाई जिल्ला अस्पताल डोल्पा पुर्‍याइएको थियो र थप उपचारका लागि कर्णाली प्रदेश अस्पताल सुर्खेत पठाइएको हो। दुर्गम तथा विकट क्षेत्रका ज्यान जोखिममा परेका गर्भवती र सुत्केरीलाई समयमै स्वास्थ्य संस्थासम्म पुर्‍याउने उद्देश्यले सरकारको राष्ट्रिय महिला सशक्तीकरण परियोजनाअन्तर्गत हवाई उद्धार कार्यक्रममार्फत उनको उद्धार गरिएको हो।