डा. न्यौपाने र पोखरेललाई जयपृथ्वीबहादुर सिंह सम्मान

मानवतावादी चिन्तक, स्रष्टा तथा पत्रकार जयपृथ्वीबहादुर सिंहको नाममा स्थापित विशेष पुरस्कारबाट शिक्षा तथा साहित्य क्षेत्रका विशिष्ट व्यक्तित्व डा. छायादत्त न्यौपाने र विवश पोखरेललाई सम्मान गरिएको छ। विराटनगर प्रज्ञा–प्रतिष्ठानका अध्यक्ष पोखरेल र डा. न्यौपानेलाई राष्ट्रिय विभूति स्रष्टा ‘जयपृथ्वीबहादुर सिंह’ सम्मान प्रदान गरिएको हो। यो सम्मान शिक्षा तथा साहित्य क्षेत्रमा पुर्‍याएको विशिष्ट योगदानको कदरस्वरूप प्रदान गरिएको हो।