रास्वपा नेताको बागलुङस्थित घरमा जुवाखाल, नौ जना पक्राउ

राष्ट्रिय स्वतन्त्र पार्टीका नेता अमर खड्काको बागलुङस्थित घरमा जुवातास खेलिरहेको अवस्थामा प्रहरीले खड्कासहित नौ जनालाई पक्राउ गरेको छ। बागलुङ बजारमा तास खेलिरहेको गोप्य सूचनाका आधारमा जिल्ला प्रहरी कार्यालय बागलुङले छापा मारेको थियो। बागलुङ नगरपालिका वडा नम्बर २ निवासी खड्का रास्वपाका क्षेत्रीय सभापति पनि हुन्। प्रहरीका अनुसार उनीहरूको साथबाट १ लाख ६४ हजार रुपैयाँ नगद बरामद भएको छ र उनीहरूलाई मेडिकल परीक्षणका लागि लगिएको छ।