राष्ट्रिय योजना आयोगका उपाध्यक्ष भट्टद्वारा सार्वजनिक र निजी लगानी सन्तुलित बनाउन जोड

राष्ट्रिय योजना आयोगका उपाध्यक्ष गुणाकर भट्टले मुलुकको विकासलाई सन्तुलित, समावेशी र विकेन्द्रित बनाउन सार्वजनिक तथा निजी क्षेत्रको लगानीलाई प्रतिस्पर्धी नभई परिपूरक बनाउनुपर्नेमा जोड दिएका छन्। नेपाल आर्थिक पत्रकार समाज (सेजन)ले मंगलबार काठमाडौँमा आयोजना गरेको कार्यक्रममा उनले सार्वजनिक लगानीको प्रभावकारिता र प्रतिफल बढाउनुपर्ने तथा सरकार निजी क्षेत्रको लगानी आकर्षित हुन नसकेका क्षेत्रमा लगानी गर्नुपर्ने बताए। उनले आर्थिक प्रतिफल, सामाजिक प्रतिफल र वातावरणीय जोखिमको मूल्यांकन गर्दै निजी र सार्वजनिक लगानीलाई सन्तुलित रूपमा अगाडि बढाउनुपर्ने पनि बताए।