कांग्रेसले महाधिवेशनविरुद्ध सरकारको प्रायोजित षड्यन्त्र भएको आरोप लगायो

नेपाली कांग्रेसले आफ्नो पार्टी महाधिवेशनविरुद्ध सरकारबाटै प्रायोजित षड्यन्त्र भएको आरोप लगाएको छ। बुधबार सानेपास्थित पार्टी केन्द्रीय कार्यालयमा आयोजित आकस्मिक पत्रकार सम्मेलनमा बोल्दै वरिष्ठ उपसभापति विश्वप्रकाश शर्माले महाधिवेशनमा आर्थिक चलखेल भएको भन्दै फैलाइएका कुरा पूर्णतः असत्य र सरकारद्वारा प्रायोजित रहेको बताए। उनले राज्य संयन्त्रको दुरुपयोग गरी विपक्षी दलविरुद्ध षड्यन्त्र गरिएको आरोप लगाए। हिरासतबाट बयान लिक हुनु आपत्तिजनक रहेको पनि कांग्रेसले जनाएको छ।