नवनियुक्त आईजीपी केसीले नागरिकमा डर होइन, भरोसा जगाउने प्रहरी बनाउने प्रतिबद्धता जनाए

नवनियुक्त प्रहरी महानिरीक्षक डा. मनोज कुमार केसीले नेपाल प्रहरीले नागरिकमा डर होइन, भरोसा जगाउने गरी काम गर्नुपर्ने बताएका छन्। बुधबार गृह मन्त्रालयमा आयोजित दर्ज्यानी चिह्न प्रदान कार्यक्रममा बोल्दै उनले प्रहरीप्रति खस्किँदै गएको जनविश्वास पुनर्निर्माण गर्नु आफ्नो प्रमुख प्राथमिकता रहेको बताए। अपराध नियन्त्रण, साइबर ठगी, क्रिप्टो कारोबार, लागुऔषध तथा मानव बेचबिखनजस्ता चुनौतीलाई प्राथमिकताका साथ सम्बोधन गर्ने उनको भनाइ छ। साथै उनले प्रहरीलाई कार्यगत स्वायत्तता दिई दलीय प्रभावबाट मुक्त राख्ने प्रतिबद्धता जनाएका छन्।