ग्यास उद्योग मर्जरका लागि आयकर छुटको माग

नेपाल एलपी ग्यास उद्योग संघले ग्यास उद्योगहरू एक आपसमा गाभ्ने (मर्जर) प्रक्रिया सहज बनाउन आयकर छुटको व्यवस्था मिलाइदिन नेपाल आयल निगमसँग माग गरेको छ। संघले बिहीबार आयल निगमलाई पत्र लेख्दै आयकर ऐन, २०५८ का केही प्रावधान लागू नहुने व्यवस्था भए अधिकांश ग्यास उद्योग गाभिन तयार रहेको जनाएको छ। संघले एलपी ग्यासको बिक्री वितरण थप सहज, सुरक्षित र व्यवस्थित बनाउन दोहोरो रङका सिलिन्डरको प्रस्ताव पनि गरेको छ।