ओलीले प्रवासी नेपाली मञ्चका नवनिर्वाचित नेतृत्वलाई सम्बोधन गर्ने

नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले आज प्रवासी नेपाली मञ्चका नवनिर्वाचित पदाधिकारी तथा सदस्यहरूलाई सम्बोधन गर्ने कार्यक्रम छ। प्रवासी नेपाली मञ्च, अन्तर्राष्ट्रिय कमिटीको दोस्रो अन्तर्राष्ट्रिय अधिवेशन कार्तिक १८ र १९ गते काठमाडौँमा सम्पन्न भएको थियो, जसमा प्रभुराम थापा अध्यक्षमा निर्विरोध निर्वाचित भएका छन् भने अन्य पदहरूमा निर्वाचन हुने भएको छ। अधिवेशनबाट निर्वाचित नयाँ नेतृत्वको आज शपथ ग्रहण कार्यक्रम रहेको छ र सोही अवसरमा ओलीले दिउँसो १ बजे पार्टी केन्द्रीय कार्यालयमा सम्बोधन गर्नेछन्।