सोलमा आईक्याप महासभामा शेरधन राईले संवाद र सहकार्यमा जोड दिए

नेकपा (एमाले) का सचिव शेरधन राईले दक्षिण कोरियाको राजधानी सोलमा जारी एसियाली राजनीतिक दलहरूको अन्तर्राष्ट्रिय सम्मेलन (आईक्याप) को १३औँ महासभालाई सम्बोधन गरेका छन् । नोभेम्बर ४ देखि ७ सम्म आयोजित उक्त सम्मेलनमा बोल्दै उनले परिवर्तनशील विश्वमा आपसी विश्वासको पुनर्निर्माण, संवाद, सहकार्य र शान्तिलाई प्राथमिकता दिनुपर्ने बताए । राजनीतिक विचार, संस्कृति र राष्ट्रिय पृष्ठभूमि फरक भए पनि विश्वका सबै राष्ट्रको साझा चाहना शान्ति भएको उल्लेख गर्दै उनले द्वन्द्व र टकरावको सट्टा संवाद र सहकार्यको बाटो रोज्न विश्व समुदायलाई आग्रह गरे ।