शिक्षा नियमावलीको एघारौं संशोधन प्रस्ताव कानुन मन्त्रालय पठाइँदै

शिक्षा, विज्ञान तथा प्रविधि मन्त्रालयले शिक्षा नियमावलीको एघारौं संशोधन प्रस्ताव सहमतिका लागि कानुन, न्याय तथा संसदीय मामिला मन्त्रालयमा पठाउने निर्णय गरेको छ। यसअघि सहमतिका लागि अर्थ मन्त्रालय पठाइएको उक्त प्रस्ताव त्यहाँबाट प्राप्त भएपछि शुक्रबार कानुन मन्त्रालयमा पठाउने निर्णय गरिएको हो। यो संशोधनले शिक्षक, विद्यार्थी तथा समग्र शिक्षा क्षेत्रका सरोकारवालाहरूले उठाउँदै आएका गुनासोहरूलाई सम्बोधन गर्ने लक्ष्य राखेको छ।