दार्चुलाको तपोवन केन्द्रबिन्दु भएर ४.१ म्याग्निच्युडको भूकम्प

सुदूरपश्चिम प्रदेशको दार्चुला जिल्लामा आइतबार बिहान ४.१ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार बिहान ११:५५ बजे तपोवन आसपासलाई केन्द्रबिन्दु बनाएर सो भूकम्प गएको हो। भूकम्पको धक्का दार्चुला र आसपासका क्षेत्रमा महसुस गरिएको थियो। धक्का महसुस भएपछि स्थानीय बासिन्दा घरबाहिर निस्किएका थिए भने हालसम्म कुनै मानवीय वा भौतिक क्षतिको विवरण प्राप्त भएको छैन।