वैदेशिक रोजगार ठगी मुद्दाका फरार प्रतिवादी इन्टरपोलको सहयोगमा युएईबाट पक्राउ

वैदेशिक रोजगार ठगी मुद्दामा संलग्न रही फरार रहेका पाँचथरको मिक्लाजुङ गाउँपालिका-५ का ३६ वर्षीय सुवास लावतीलाई युएईबाट पक्राउ गरी बिहीबार नेपाल ल्याइएको छ। सर्बिया पठाइदिने प्रलोभन देखाएर ठगी गरेको आरोप लागेका लावती विरुद्ध इन्टरपोलले 'रेड नोटिस' जारी गरेको थियो। एनसीबी अबुधाबी र नेपाल प्रहरीको समन्वयमा उनलाई पक्राउ गरी कानुनी कारबाहीका लागि नेपाल फिर्ता ल्याइएको हो।