बागलुङमा ध्वनि प्रदूषण गर्ने १० वटा मोडिफाइड मोटरसाइकल नियन्त्रणमा

बागलुङ जिल्ला ट्राफिक प्रहरी कार्यालयले स्वरुप परिवर्तन गरी चर्को आवाज निकाल्ने मोटरसाइकलहरू विरुद्ध कारबाही सुरु गरेको छ। बागलुङ बजार क्षेत्रमा रातिको समयमा ध्वनि प्रदूषण बढेको जनगुनासो आएपछि पछिल्लो दुई दिनमा १० वटा मोटरसाइकल नियन्त्रणमा लिइएको छ। नियन्त्रणमा लिइएका ती सवारी साधनहरूलाई थप कारबाहीका लागि यातायात व्यवस्था कार्यालयमा पठाइएको छ।