म्याग्दीमा जिप दुर्घटना हुँदा पाँच आन्तरिक पर्यटक घाइते

म्याग्दीको अन्नपूर्ण गाउँपालिका–३ दानाको तितरमा सोमबार एउटा स्कोर्पियो जिप दुर्घटना हुँदा पाँच जना आन्तरिक पर्यटक घाइते भएका छन्। मुस्ताङबाट बेनीतर्फ आउँदै गरेको बा१९च ५६०२ नम्बरको जिप ओरालो सडकमा ब्रेक फेल भई बेनी–जोमसोम सडक खण्डमा दुर्घटनामा परेको हो। मुस्ताङ भ्रमण गरेर फर्कँदै गरेका ती पर्यटकहरूलाई उपचारका लागि अस्पताल लगिएको छ।