पूर्व बाल सैनिकलाई 'अयोग्य' नभन्न र सम्मानजनक परिपूरण दिन सर्वोच्चको आदेश

सर्वोच्च अदालतले सशस्त्र द्वन्द्वकालका पूर्व बाल सैनिकहरूलाई 'अयोग्य' वा 'बहिर्गमित' जस्ता अपमानजनक शब्द प्रयोग नगर्न सरकारका नाममा परमादेश जारी गरेको छ। न्यायाधीशहरू सपना प्रधान मल्ल, सुनील कुमार पोखरेल र शान्तिसिंह थापाको पूर्ण इजलासले उनीहरूको सम्मानजनक पुनर्स्थापना, पर्याप्त क्षतिपूर्ति र पुनःएकीकरण सुनिश्चित गर्न निर्देशन दिएको हो। अदालतले बालबालिकालाई सशस्त्र द्वन्द्वमा भर्ती गर्ने कार्यलाई दण्डनीय बनाउन आवश्यक कानुन निर्माण गर्न समेत सरकारलाई आदेश दिएको छ।