कास्कीको अन्नपूर्ण आधार शिविर पदमार्गमा राष्ट्रिय प्रसारण लाइन विस्तार

नेपाल विद्युत् प्राधिकरणले कास्कीको विश्वप्रख्यात अन्नपूर्ण आधार शिविर (एबीसी) पदमार्गमा राष्ट्रिय प्रसारण लाइन विस्तार गरेको छ। अन्नपूर्ण गाउँपालिका-११ को झिनुडाँडादेखि माथिल्लो सिनुवासम्म विद्युतीकरण गरिएसँगै यो क्षेत्र उज्यालो बनेको हो। यस पूर्वाधार विकासले स्वदेशी तथा विदेशी पर्यटकको पदयात्रालाई थप सहज, सुरक्षित र व्यवस्थित बनाउने विश्वास गरिएको छ।