कैलालीमा टेम्पो भिरबाट खसालेको घटना छानबिन गर्न सुदूरपश्चिम सरकारद्वारा समिति गठन

कैलालीमा एउटा टेम्पोलाई भिरबाट खसालिएको घटनाको सत्यतथ्य पत्ता लगाउन सुदूरपश्चिम प्रदेश सरकारले पाँच सदस्यीय छानबिन समिति गठन गरेको छ। उद्योग, पर्यटन, वन तथा वातावरण मन्त्रालयले सोमबार मन्त्रीस्तरीय निर्णय गर्दै प्रदेश वन निर्देशक हेमराज विष्टको संयोजकत्वमा सो समिति बनाएको हो। समितिले उक्त घटनाको छानबिन गरी प्रतिवेदन पेश गर्ने जिम्मेवारी पाएको छ।