काठमाडौं महानगरपालिकाद्वारा आगामी आर्थिक वर्षका लागि २५ अर्ब ८८ करोडको बजेट सार्वजनिक

काठमाडौं महानगरपालिकाकी कार्यवाहक प्रमुख सुनिता डंगोलले आगामी आर्थिक वर्ष २०८३/८४ का लागि २५ अर्ब ८८ करोड ३० लाख ५५ हजार रुपैयाँको अनुमानित बजेट प्रस्तुत गर्नुभएको छ। महानगरको नगर सभामा बिहीबार बजेटसँगै वार्षिक कार्यक्रम, आर्थिक विधेयक र विनियोजन विधेयक पेश गरिएको हो। यो बजेट आगामी तीन हप्ताभित्र पारित हुने लक्ष्य राखिएको छ।

काठमाडौं महानगरपालिकाकी कार्यवाहक प्रमुख सुनिता डंगोलले बिहीबार आगामी आर्थिक वर्ष २०८३/८४ का लागि २५ अर्ब ८८ करोड ३० लाख ५५ हजार रुपैयाँको अनुमानित बजेट प्रस्तुत गर्नुभएको छ। बजेटमा पूर्वाधार विकासका लागि १५ अर्ब ३१ करोड रुपैयाँ विनियोजन गरिएको छ भने प्रदूषण न्यूनीकरण र व्यवस्थित सार्वजनिक यातायातलाई उच्च प्राथमिकता दिइएको छ। कुल बजेटमध्ये २० अर्ब १८ करोड ६३ लाख रुपैयाँ आन्तरिक आय र बैंक मौज्दातबाट व्यहोरिने महानगरले जनाएको छ।