चिया उद्योगको संकट समाधानका लागि भारतसँग वार्ता गर्न नारायणकाजी श्रेष्ठको आग्रह

पूर्वउपप्रधानमन्त्री नारायणकाजी श्रेष्ठले चिया उद्योगमा देखिएको वर्तमान संकट समाधानका लागि भारतसँग तत्काल वार्ता गर्न सरकारसँग माग गर्नुभएको छ। भारतीय नीतिका कारण नेपालका चिया उद्योगहरू बन्द हुने अवस्थामा पुगेको भन्दै उहाँले सामाजिक सञ्जालमार्फत सरकारको ध्यानाकर्षण गराउनुभएको हो। श्रेष्ठले नेपाली चियाको निर्यातमा देखिएका अवरोध हटाउन र उद्योग बचाउन कूटनीतिक पहल आवश्यक रहेकोमा जोड दिनुभएको छ।