बागलुङ रक्तसञ्चार केन्द्रलाई बागलुङ सेवा समाज अमेरिकाद्वारा १५ लाखको उपकरण सहयोग

बागलुङ सेवा समाज अमेरिकाले बागलुङस्थित रक्तसञ्चार केन्द्रलाई करिब १५ लाख रुपैयाँ बराबरको स्वास्थ्य उपकरण सहयोग गरेको छ। समाजले केन्द्रलाई एक थान जेनेरेटर र रक्तदान गर्ने कुर्सीहरू उपलब्ध गराएको हो। नेपाल रेडक्रस सोसाइटीद्वारा धौलागिरि प्रादेशिक अस्पताल क्षेत्रमा सञ्चालित यस केन्द्रमा विद्युत् अवरुद्ध हुँदा रगत बिग्रिने समस्या समाधान गर्न यो सहयोग प्रदान गरिएको हो।