शिक्षालाई अनुसन्धान, नवप्रवर्तन र डिजिटल प्रविधिसँग जोड्नुपर्नेमा उपराष्ट्रपतिको जोड

उपराष्ट्रपति रामसहायप्रसाद यादवले शिक्षालाई अनुसन्धान, नवप्रवर्तन र डिजिटल प्रविधिसँग जोड्नुपर्नेमा जोड दिनुभएको छ। काठमाडौँमा आयोजित मदन भण्डारी मेमोरियल कलेजको रजत महोत्सवलाई सम्बोधन गर्दै उहाँले विद्यालयदेखि विश्वविद्यालयसम्म कृत्रिम बौद्धिकता र आधुनिक प्रविधि अपनाउनुपर्ने बताउनुभयो। शिक्षा क्षेत्रमा नवप्रवर्तनको कमी रहेको उल्लेख गर्दै उहाँले डिजिटल शिक्षामार्फत यसलाई सुधार्नुपर्ने धारणा व्यक्त गर्नुभयो।