मौद्रिक नीतिले आर्थिक वृद्धि र स्थायित्वबीच सन्तुलन कायम गर्नुपर्छ: कार्यवाहक गभर्नर पण्डित

नेपाल राष्ट्र बैंकका कार्यवाहक गभर्नर किरण पण्डितले आगामी मौद्रिक नीतिले सरकारको उच्च आर्थिक वृद्धिको लक्ष्यलाई सहयोग गर्दै आर्थिक स्थायित्व कायम गर्नुपर्नेमा जोड दिएका छन्। काठमाडौंमा आर्थिक पत्रकार समाज (सेजन) द्वारा आयोजित कार्यक्रममा बोल्दै पण्डितले वित्त नीति र मौद्रिक नीतिबीचको अन्तरसम्बन्ध र समन्वयको आवश्यकता औंल्याए। उनले दुवै नीतिहरूबीच द्वन्द्व हुन नदिई सन्तुलन कायम राख्नु चुनौतीपूर्ण रहेको बताए।