राष्ट्र बैंकको नसिहत पाएका बैंकका सीईओ र सञ्चालक अयोग्य हुने सर्वोच्चको फैसला

नेपाल राष्ट्र बैंकबाट 'सचेत' वा 'नसिहत' सजाय पाएका व्यक्तिहरू बैंक तथा वित्तीय संस्थाको सञ्चालक र प्रमुख कार्यकारी अधिकृत (सीईओ) बन्न अयोग्य हुने फैसला सर्वोच्च अदालतले गरेको छ। न्यायाधीशद्वय डा. नहकुल सुवेदी र नृपध्वज निरौलाको संयुक्त इजलासले अधिवक्ता मधुकुमार चौलागाईंले दायर गरेको रिटमाथि सुनुवाइ गर्दै यस्तो निर्देशनात्मक आदेश जारी गरेको हो। अदालतले बैंकका पदाधिकारीहरूको योग्यता र कानुनी कारबाहीका सम्बन्धमा महत्वपूर्ण व्याख्या गर्दै नयाँ मापदण्ड तय गरेको छ।