म्याग्दी जिल्ला पूर्ण खोप सुनिश्चित तथा दिगोपना घोषणा

म्याग्दी जिल्लाका सबै लक्षित बालबालिकाले तोकिएको खोपको मात्रा पुरा गरेपछि मंगलबार एक समारोहका बीच जिल्लालाई पूर्ण खोप सुनिश्चितता तथा दिगोपना घोषणा गरिएको छ। जिल्लाका ६ वटा स्थानीय तह र ४५ वटा वडाका १५ महिनामुनिका १,०८० जना र १६ देखि ५९ महिनासम्मका ३,९७४ जना बालबालिकाले पूर्ण खोप पाएको सुनिश्चित गरिएको हो। सबै बालबालिकाले नियमित खोप पाएको तथ्याङ्क प्रमाणीकरण भएपछि यो घोषणा गरिएको हो।