नेपाल टेलिकमका सिमकार्ड अब हुलाकमार्फत घरमै पुर्‍याइने

नेपाल टेलिकम र हुलाक सेवा विभागबीच सिमकार्ड लगायतका सामग्रीहरू ग्राहकको घरमै पुर्‍याउने सम्बन्धमा बिहीबार एक सम्झौता भएको छ। आगामी साउन १ गतेदेखि हुलाक सेवा विभागले टेलिकमका सिमकार्ड, चिठीपत्र र दूरसञ्चारका विभिन्न स्पेयर पार्ट्सहरूको ढुवानी तथा वितरण गर्नेछ। देशभर रहेको हुलाकको संरचना प्रयोग गरी सेवालाई थप सहज बनाउने उद्देश्यले यो सहकार्य गरिएको हो। यस व्यवस्थाले ग्राहकहरूलाई टेलिकमका सेवाहरू प्राप्त गर्न थप सहज हुने अपेक्षा गरिएको छ।