नेपालमा दर्ता भएका तारे होटल र रिसोर्टको संख्या ३५० पुग्यो

नेपालमा विदेशी पर्यटकको आगमन बढेसँगै दर्ता भएका तारे होटल र रिसोर्टको संख्या ३५० पुगेको छ। यी होटल तथा रिसोर्टहरूमा हाल कुल १६ हजार ६१३ कोठाहरू उपलब्ध छन्। काठमाडौँ, पोखरा, लुम्बिनी, भैरहवा र नेपालगन्ज जस्ता प्रमुख सहरहरूमा पर्यटकीय पूर्वाधारमा लगानी तीव्र रूपमा विस्तार भइरहेको छ। पर्यटन क्षेत्रमा बढ्दो उत्साहका कारण स्वदेशी तथा विदेशी लगानीमा नयाँ होटलहरू खुल्ने क्रम बढेको हो।