कर्णाली नदीमा बेपत्ता भएकामध्ये एक जनाको शव कैलालीमा फेला

असार १८ गते सुर्खेतबाट कालिकोटतर्फ जाँदै गरेको सवारी साधन दुर्घटना हुँदा कर्णाली नदीमा बेपत्ता भएका चार जनामध्ये एक जनाको शव कैलालीमा भेटिएको छ। कैलालीको मोहन्याल गाउँपालिका-६ मा फेला परेको उक्त शव कालीकोट पचालझरना गाउँपालिका-९ का मेखे तिरुवाको रहेको प्रहरीले पुष्टि गरेको छ। जिल्ला प्रहरी कार्यालय दैलेख र इलाका प्रहरी कार्यालय चिसापानीका अनुसार मृतकको पहिचान उनका छोराले गरेका हुन्। दुर्घटनामा बेपत्ता भएका अन्य तीन जनाको खोजी कार्य अझै जारी छ।