नवलपरासीको बर्दघाटमा ईभी भ्यान र ट्रक ठोक्किँदा १० जना घाइते

नवलपरासी (पश्चिम) को बर्दघाट नगरपालिका-४ स्थित तारेभिरमा ईभी भ्यान र ट्रक एकआपसमा ठोक्किँदा १० जना घाइते भएका छन्। पूर्व-पश्चिम राजमार्गमा बुटवलबाट काठमाडौंतर्फ जाँदै गरेको बा.प्र.०८-००१ ज ००९४ नम्बरको भ्यान र विपरीत दिशाबाट आउँदै गरेको ट्रक ठोक्किएर दुर्घटना भएको हो। घाइतेहरूको स्थानीय अस्पतालमा उपचार भइरहेको छ। प्रहरीले दुर्घटनाको कारणबारे अनुसन्धान सुरु गरेको छ।